هاشتاغات
فيما يحاول الشعب السوري الحصول على حاجاته الأساسية؛ والتي بات من المستحيل على أغلب الأسر السورية الحصول عليها، أعلن مجلس الشعب السوري عن انعقاد جلسة استثنائية لمناقشة الواقع الاقتصادي والمعيشي وسعر الصرف يوم الإثنين المقبل.
وفور الإعلان عن الجلسة، ضجت منصة “فيسبوك” في سوريا، بتعليقات الجمهور المترقب لزيادة الرواتب وتحسين واقع الكهرباء والماء.
من جهته، عبر علي محمد ساخرا “لا نعول على هذه الجلسات التي لا تغني ولا تثمن من جوع”.
حجب الثقة
أما الإعلامي حيدر مصطفى قال “أنا قبلان كلشي عم ينكتب، بس هي سيناريو حجب الثقة عن الحكومة بدها رب العالمين يعطينا من قدرته لنستوعبها”.
وأكمل”يعني في عندي شوية معطيات (تقنية) بتمنع يصير هيك شي، اذا حكيتها رح يفهموني غلط، أو ما بعرف صراحة شو ممكن يفكروا، لهيك رح احتفظ بحق الصمت.. وادعيكن تتجاوزوا هي الفكرة.. لأنها من سابع أو عاشر أو مئات المستحيلات.. خلونا عالأرض يا جماعة”.
فيما قالت لمى عباس “باسم الشعب نطالب بحلّ مجلس الشعب وإقالة الحكومة وحلّنا كلنا هيك قشة لفة”.
أما هادي مخلوف العامل في المجال الإعلامي، تمنى حجب الثقة عن الحكومة وكتب “بس مجلس الشعب يعملها مرة بهالعمر ويحجب الثقة عن شي حكومة ((ولو تمثيل)) وقتها بصير مجلس فعلي للشعب ومدافع عن حقوقه متله متل كل المجالس بالعالم”.
في حين أضاف “بس طبعاً عم نحلم بسبب وجود أعضاء مستقلين على عدد الأصابع والباقي من الشباب الطيبة يلي ما بصير يزعجوا خاطر الحكومة”.
زحمة سير.. فقط
بالمقابل توقع بشار خوام أن يكون يوم الإثنين مزدحما وقال “نهار الاثنين رح يصير أزمة مرور بشارع العابد ديروا بالكون و غيروا طريقكون غير هيك ما رح يصير شي”.
في حين عبّر الدكتور أحمد الحسن عما يجري قائلا ” من ضمن صلاحيات مجلس الشعب على ارض الواقع .. لاشيء”.
أما الصحفي زين شيبان علق بهذه الكلمات “معقول نتيجة الجلسة الاستثنائية تكون تحديد موعد للجلسة العادية؟”.
فيما قال محمد الأحمد ناشط على منصة “فيسبوك” : “لك الجماعة بدهم “يدرسوا”ما عم يقولوا بدهم يلاقوا حلول او يصدروا قرارات .. أو يعملوا أي شي .. عم يقولوا بدهم “يدرسوا” الوضع .
كما تابع “ادرسوا لك عمي درسوا الله ينجّحكم بجاه هالصيف الفضيل” .
تسمية الجلسة “بالاستثنائية”
الصحفي أسعد نخلة استغرب تسمية الجلسة بالاستثنائية وقال “الغريب مو بالجلسة …الغريب انو تم تسميتها (جلسة استثنائية)، بغض النظر … المهم نشوف قرارات استثنائية”.
كذلك كتبت الصحفية صفاء حميرة” بدكن نرجع نثق فيكن.. حجبو الثقة عن هدوك وقتا منحس انو عنجد بتمثلونا، واذا اجتماعكن هاد ماشفناه ولاسمعنا شو رح يصير فيه بلاه.. وكمان اذا بس مداخلات بلاه ..الحكي مابيطعمي خبز”.