عبر الفنان مصطفى الخاني عن حبه وتعلقه بالعيش في سورية رغم كل الظروف الصعبة التي تمر بها البلاد، مؤكدا أنه يتعرض لسؤال حول سبب عدم سفره رغم امتلاكه إقامة في الخارج.
وقال الخاني في لقاء تلفزيوني:كتير أوقات بيسألونا “إذا عندكم إقامات وقادرين تعيشوا برا ليش باقيين بسورية رغم هالظروف الصعبة؟”.
وتابع: بكون جوابنا بقدر ما هو سهل وبسيط بقدر ما هو صعب ينفهم عند البعض … ببساطة بس تجربوا تمشوا بحارات الشام العتيقة … على طرقات عمرها عشرة آلاف سنة … تحت المطر … وماسكين ب ايدين أغلى الحبايب يلي صعب يجود الدهر بأمثالهم.
وأضاف: وقتها ربنا بيخلق جواتنا عشق وتعلق يمكن غير منطقي لهاد المكان الذي ينبض بأرواح من نحب، وبخلينا نتحمل ونتحدى كلشي … وبخلينا نصير طماعين لدرجة نتمنى نبقى عم نعيش بهالعمر كم لحظة حلوة متل هاللحظات وبس … لحظات فيها دفء الماضي، ومتعة اليوم، وأمل الغد … لحظات نستعيد بها ذكريات … ونخلق فيها ذكريات جديدة لنخبأها في حنايا الروح.