الرئيسية » 3 “غسلات” للسيارة تعادل خمس راتب الموظف.. ومعلقون: ياريت تحددوا غسيل السجاد والصوبية وشطف الدرج كمان
أخبار هاشتاغات

3 “غسلات” للسيارة تعادل خمس راتب الموظف.. ومعلقون: ياريت تحددوا غسيل السجاد والصوبية وشطف الدرج كمان

سيارات
فوجئ العديد من السوريين بقرار لجنة تحديد الأسعار في محافظة دمشق يوم الثلاثاء حول تحديد أسعار تكلفة بدل خدمات غسيل السيارات.
وجاءت المفاجأة كون الأسعار التي وضعتها محافظة دمشق تفوق الأسعار التي يتقاضاها بعض مغاسل السيارات بحسب تأكيدات المتابعين.
ونص القرار على أن تكلفة غسيل السيارة السياحية على الأرض 4000 ليرة وعلى الرافعة 4500 بينما تكلفة غسيل السيارة نوع جيب – سيرفيس- فان على الأرض 5000 ليرة وعلى الرافعة 5500 ليرة.
أما تكلفة غسيل الكميون – باص 10000 ليرة و تكلفة غسيل ترولا – براد 15000 ليرة.
وعلق مأمون على القرار : يالطيف شو الانجاز العظيم …تسعيرتكم اغلى من تسعيرة المغاسل.
فيما تساءلت نورا: بعد اذن اللجنة بدنا نعرف اذا نوع المنظف بيلعب دور؟ وإذا طلبنا بلسم بعد الغسيل قديش بتصير التكلفة؟
وقالت سما الشام: كمان بغسيل السيارت بدكن تدخلوا يا ح*مية شوبدكن بها الشغله انتوا.. بينما تساءل أحمد: مين منهم فاتح مغسل عن جديد؟
وعلقت أميرة: شكرا لجهودكم تعبتوا حالكم بهيك اجتماع طارء وحساس ومهم للبلد والعباد عم نعذبكم بمشاكلنا والبركة مابتلحقوا اجتماعات الا والشعب كل يوم بيصحى وبيلاقي كلشي محلول الله يحلن الهي”.
بينما قال وسام: بشرفكن محرزة تجتمعو كرمال هيك قصص فاضية ليش كل العالم عندا سيارات وكميونات؟
وتساءلت مرح عياش: ياريت تحددوا غسيل السجاد والصوبية كرمال ماحدا يغدرنا بالأسعار.. وحددوا تسعيرة شطف الدرج دخيلكم لنعرف نتصرف”.
واعتبر المتابعون أن تحديد تكلفة غسيل السيارة مبالغ فيه مضيفين: بأي قانون انساني يكلف غسيل السيارة 3 مرات بالشهر ما يعادل خمس راتب الموظف؟
لتصلك أحدث الأخبار يمكنك متابعة قناتنا على التلغرام  https://t.me/hashtagsy
اقرأ المزيد:

تصنيفات