كشفت المخرجة رشا شربتجي عن البوستر الترويجي لمسلسلها الجديد "نسمات أيلول"، المقرر عرضه خلال موسم دراما رمضان المقبل.
وحرصت المخرجة السورية على الترويج للمسلسل الجديد عبر صفحتها على "إنستغرام" من خلال نشر الصور الخاصة به مع تعليقات طريفة حول الشخصيات والأبطال المشاركين فيه، مؤكدة أن هذا العمل يجسّد حلم والدها الراحل هشام شربتجي، الذي لطالما تمنى أن تجتمع في عمل فني واحد مع شقيقها المخرج يزن شربتجي.
وأرفقت شربتجي البوستر بتعليق تشويقي كتبت فيه: "عمل مليان حب وفرح، كنا فعلا عيلة حلوة وبيناتنا هارموني حقيقي، ومرقت أيام التصوير علينا متل النسمة رغم صعوبتها ببعض الأوقات".
وتابعت: "أجمل شي بهالمشروع كانت شراكتي مع المخرج الكوتش يزن شربتجي لأنه هي التجربة بعتبرها خُلاصة حلوة لحلم بابا الله يرحمه وأكيد هو مبسوط أنه شايفنا سوا إيد وحدة وعم نعمل الشي اللي هو علّمنا ياه وزرَعوا فينا... أبطالنا حلوين ومحبوبين وخفيفين على القلب متل النسمة، وبيشبهوا عائلات سورية منشوفها بحياتنا اليومية، وكل فرد منهم ممكن تلاقوه بيشبه حدا من عيلتكن، شوفوهن وخبرونا رأيكن وبتمنى تحبونا وتستمتعوا معنا".
وتدور أحداث مسلسل "نسمات أيلول" في إطار كوميدي اجتماعي، إذ يتناول قصة نزاع عائلي على الميراث في إحدى القرى السورية، وما يترتب عليه من مواقف درامية مشوّقة تتخللها لحظات من الكوميديا الهادفة.
والمسلسل من تأليف علي معين الصالح، ويضم نخبة من نجوم الدراما السورية، بينهم: صباح الجزائري، نادين تحسين بيك، رواد عليو، محمد حداقي، غزوان الصفدي ومصطفى المصطفى.
