هاجمت المخرجة ريما الرحباني ابنة السيدة فيروز حفل “ليلة أمل” الذي نظمه الفنان أسامة الرحباني والذي شارك فيه عدد من الفنانين والفنانات بينهم اليسا.
“الطبل”
وجاء في منشور لريما الرحباني على صفحتها، ورصده “هاشتاغ” انتقاد كبير لأسامة منصور الرحباني قائلة: “الحق مش ع إليسا! وإليسا باللي صار ضحيّة مش مجرمة .. المجرم الأوّل والأخير هوّي الطبل اللي داير إليسا والتوابع .. ومعتقد حالو بيحقلّو يتصرّف ويأذن للفنانين يغنوا أغاني فيروز .. ومعتقد بيحقلّو يشوّه ويبهدل هالإرث براحتو بيدون حسيب ولا رقيب! .. وهالشي كلو فقط لأن عبقري متل زياد أعاد بعض الأغاني! .. فإعتقد الطبل إنو هو كمان عبقري ووريث وو بدّو يعيد ووو نفس الأغاني! .. كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين! .. بس معليش.. إلا ما يصير في دولة وحبوسة فهيدا الموضوع ما رح فوت فيه هلق! “.
“نشاز” وإهانة لإرث الرحابنة
وتابعت ريما الرحباني: ما بفهم كيف ممكن واحد يعمل حفلة كلا نشاز! بهالوقاحة! .. شو ما شاطر يتفلسف إلا ع الهواة؟ ومصدّق حالو ونازل فيهن بهدلة إنّو هوي يابا شي كتير مهم وعبقري وديكتاتور ومُتطلّب وقاسي ومش سهل الرضى أبداً… كيف بيوقف الشخص كيف بيحرك إيدو كيف بتحرك الراس وين بيلتفت أيمتى بيلتفت….. كل شاردة وواردة بدّو يكون راضي عنّا… وما بيعجبو العجب! والله العظيم تحط نفسك في مواقف بايخااااااااااا ف هاي ما كانت تحيّة هاي كانت إهانة لأعمال عاصي ومنصور والياس وبس بزيادة هلّق! أخيراً أخيراً أخيراً في عاصي الرحباني واحد ما في غيرو ولبعد ألف سنة ما بيجي غيرو! .. عرفت كيف؟ إءْ .. شد طلوع شد طلوع اوعى ما تزمّر ع الكوع .
كان الزمان وكان
كانت غنت اليسا في الحفل أغنية “كان الزمان وكان” بشكل مشترك مع هبة طوجي، ولكن إطلالة إليسا لاقت انتقادات واسعة على مواقع التواصل الاجتماعي حيث اعتبر البعض أن مشاركتها لا ترقى لمستوى “مسرح الرحابنة” والبعض الآخر اعتبر أن غناءها لفيروز كان دون المستوى.
اليسا تحدت ريما سابقا
تعد اليسا أول من تحدى ريما الرحباني عندما كسرت قرار ريما الذي دعت فيه الى عدم غناء الفنانين لوالدتها السيدة فيروز، حيث إفتتحت إليسا حفلها العام الماضي في مسرح الأولمبيا في العاصمة الفرنسية باريس، بأغنية “إحكيلي يا وطني”.
وتؤكّد إليسا دائما أنّ السيدة فيروز هي لكلّ المواطنين ولكل العالم، ولا يجوز أن يصدر أي قرار حتى من أولادها بمنع أي شخص او فنان من تأدية أغنيات والدتها.
هجوم قديم
وكانت ريما الرحباني قد شنّت هجوما عنيفا طيلة السنوات الأخيرة على “مؤديي” أغنيات والدتها وكتبت ريما على حسابها الشخصي على “فيسبوك”: “تحذير وآخر تحذير قبل الملاحقة القانونية لجميع أهل الفن كباراً وصغاراً وللساسيم الكريمة ولكل مين صاير بيمد إيده على أغاني فيروز والأخوين رحباني… اذا صاير في شي إسمو “يوتيوب” وغيرو من الوسايل المُتاحة لمين ما كان ما معناتا بتقدروا بوقاحة مُطلقة تتطاولوا على الإرث الفيروزي الرحباني!