“ناجح ويعيد.. الحكومة اجت دورات هالمرة.. اللي بتعرفو أحسن من اللي بتتعرف عليه” بهذه التعليقات استقبل بعض السوريين التشكيلة الوزارية الجديدة اليوم على وسائل التواصل الاجتماعي.
ولقي منشور إعلان أسماء الوزراء في صفحة رئاسة الجمهورية، تفاوتا بآراء المواطنين متمثلا بتعليقاتهم بين مبارك ومستاء، حيث علق علي أبو مصعب قائلا :”نحن مؤمنون بقرارات سيد الوطن وخياراته .. وكل إنسان يعمل من موقعه.. ولو كل إنسان عمل ما أمره به ضميره لما وصلنا إلى ما وصلنا .. وفق الله الجميع لما فيه خير البلاد والعباد” .
وقال وليام داوود :”تعو نحكي بالعقل، لو فرضنا إنو السيد الرئيس غيّر كل الوزراء بالكامل شو الاختلاف الجوهري يلي ممكن يعملو هاد التغيير، يعني لو تغيروا كل الوزراء هل نحنا رح تتغير أمورنا ؟ هل رح يصير عنا إمكانية تصير تجي الكهربا 24\24، هل بصير عنا فائض من النفط والقمح والمازوت .. الوزراء مطلوب منهن يشتغلو على الإمكانات الموجودة ويلاقو حلول معيشية على ضوء هالإمكانات ويشتغلوا لزيادة هالإمكانات.. نشالله الحكومة الجديدة تنجح بإنو تحسّن الوضع المعيشي”.
وبرر عدد من المعلقين عدم تغيير أغلب الوزراء نسية إلى تقدير جهودهم المبذولة فقال هيثم علي: “شكل هذه الوزارة يوحي أن من ظهر أنه يبذل جهد ويحاول العمل في ظل هذه الظروف الصعبة بقي في وزارته، ومن لم يثبت أن لديه الإمكانيات للعمل جرى تغييره”.
بينما طالب آخرون بتفسير سبب اختيار نفس الوزراء فقال محمد الباندولي انا كمواطن سوري بحقلي اتسائل ليش وزير الكهرباء بقي بالرغم من الوضع المزري للكهرباء و التميز المقيت الي خلقو بين المحافظات و ضمن المحافظة الوحة بالتوزيع و التغذية .. ليش الوزير الي ماقدر يضبط الأسواق بقي ؟ ليش ماشفنا الاستاذ فارس شهابي وزير للصناعة ؟ ليش وليش”.
وظهر بالتعليقات عدد من المواطنين المحبطين بسبب التشكيلة القديمة فعلق ريمون عبيد: لاهالمره بسلامتكن جميعا هلق العوض بسلامتكن وحظ اوفرلكل واحد ماحالفوا لحظ بهالتشكيله” وأضافت فرح محمد “ماعاد في ناس وكفاءات بهالبلد غير هالاسماء شفناهن شو اشتغلو ماغيرو شي الا بالعكس”.
واستغل أغلب المواطنين المنشور للمطالبة بصلاحية الوزراء الجدد من مسابقات الوظائف الحكومية وتعيين الموظفين إلى نقل سكن المعلمات وغيرها”.
يذكر أن الحكومة الجديدة لم تشهد تغييرا إلا بخمس وزراء هم الإعلام والتجارة الداخلية والشؤون الاجتماعية ووزيري دولة.
لتصلك أحدث الأخبار يمكنك متابعة قناتنا على التلغرام https://t.me/hashtagsy