تعهد الإعلامي المصري عمرو أديب، بـ”تربية” الفنان محمد رمضان، ووصف تصرفاته بـ”قلة الأدب”.
وقال عمرو أديب إنه كلف محاميه برفع قضية ضد رمضان لإساءته له، مؤكدا أن التعويضات التي سيحصل عليها من رمضان سيخصصها لإحدى المستشفيات، بحسب ما قالت قناة “روسيا اليوم”.
وأوضح: “أي فلوس هخدها من محمد رمضان هوديها لمستشفى الأطفال في أبوالريش حتى لو 5 مليون جنيه”.
ووجه رسالة قوية لرمضان، قال فيها: “المتربي نعمة.. لو مش متربي في اللي ممكن يربيك”.
وأفاد بأن محمد رمضان اعتاد أن يأخذ الحياة بالقوة، وأن لا أحد يقدر الوقوف أمامه، وتابع: “لو محدش رباك أنا هعرف أربيك، البلد دي فيها قانون يسري على الجميع”.
وأضاف أن “الإنسان اللي متربي نعمة، وأنت لو مش متربي في اللي يربيك، وفي ناس حظها وحش وأنها تعودت تأخذ الحياة بوشها، وبيحسوا أنهم مسنودين”، متابعا: “معنديش مشكلة أختلف مع حد في أي حاجة لكن لما نوصل لقلة الرباية يبقي القانون هو اللي يحكم”.
وتابع: “طلبت من المحامي الخاص بي رفع قضية على الفنان محمد رمضان”، مستدركا: “أنا مش من النوع اللي ياخد حقه بالتجاوز، ويا أنا يا أنت، وهنروح للقاضي هو اللي هيقول، وقلة الأدب لا، ولو محدش رباك يا محمد يا رمضان يبقي أنا اللي هربيك”.
وشن عمرو أديب هجوما عنيفا على رمضان خلال الأيام الماضية بعد رد فعله على حكم ضده بدفع 6 ملايين جنيه تعويضا للطيار أشرف أبو اليسر، حيث ظهر وهو يلقي أموالا في حمام السباحة، وعلق أديب: “الناس مش لاقية فلوس وإنت بترميها حتى لو مزيفة… اللي فاكرينه موسى طلع فرعون”، في إشارة إلى اسم مسلسل رمضان الجديد “موسى”.
لتصلك أحدث الأخبار يمكنك متابعة قناتنا على التلغرام