نشر أحد المصورين في اللاذقية صورا لتجمع من الناس أغلبهن من الأطفال و المراهقين حول “يوتيوبر” سوري يقطن في الإمارات يدعى غيث مروان .
وكتب المصور براء علاف عبر حسابه في “فيسبوك”: “غيث مروان اليوتيوبر العربي السوري كان بـ”اللاذقية و بقهوة شناتا و آلاف من الناس تجمعت مشان تشوفو و تتصور معو هو و عمور”.
ولقي المنشور تفاوت بالآراء بين مستاء من التجمعات وبين مرحب فعلقت إحدى المتابعات : “محلاهن عفكرة الواحد شو ماساوا مابيخلص منكن لو مااجا عسوريا كنتو حكيتو مابيجي عبلدو خلص عيفوه ياعمي”. ووافقت احدى المتابعات راي سابقتها وبررت التجمع قائلة : عفكرة لكل اللي تعدو مرحلة المراهقة لا تلومو هالشباب و البنات المراهقين لانو بعمرن كنتو معلقين صور عمرو دياب و وائل كفوري بحيطان غرفتكن … كل جيل الو حقو يعيش متل ما جبرتو الحياة يعيش … و اللي مو عاجبكم صارو عندو املاك و اموال و انتو لسا اعدين عم تتمسخرو عليه”..
وأظهرت الصور أن الأطفال هم غالبية المتجمعين مما دفع بعض المتابعين لتناول الموضوع من هذه الزاوية فعلقت إحداهن : كانوا ولاد صغار انا كنت مفكره انو في حفلة طيور الجنة..ليقابلها اخر “من كمية الأولاد يلي حاضرة منستنتج انو غيث مروان بكون : عملت تحدي كبيت أخوي بالمسبح مااتوقعت ردة فعله”.
أما الطرف الاخر من المتابعين الذين استاؤوا من ظاهرة التجمع حول المشاهير والتدافع للتصوير معهم مؤخرا فوجدوا أنها تعبر على عدم وعي فعلق أحدهم بغض النظر عن غيث بس قلة عقل ماطبيعية من هالعالم خطي كل ماشافو مشهور بجنو ماشايفين بحياتن مشاهير، للاسف بيزعل الانسان لما يعرف لوين ارتقى مستوى الفكر عن السوريين.
وعلق اخرون “مين هادا وشو بيشتغل وشو المحتوى اللي بيقدمه وبيخدم البشرية فيه؟ .
بينما نشر غيث حالة ستوري على حسابه في انستغرام تلي صور التجمعات حوله، كتب فيها “كنت رح موت عنجد” فتداولها متابعيه في تعليقاتهم على صفحة علاف ليرد على الصورة أحد المتابعين : حدا بيترك دبي وبيروح؟؟ ويليه تعليق أخر : هو غلط وقلهم في مسابقة ويقصد على التجمعات ..
وغيث هو صانع محتوى على موقع “يوتيوب” من مواليد 1992 من محافظة “اللاذقية” ولد وعاش في “الإمارات” وعائلته تقيم حالياً في “سوريا” .
بلغ عدد متابعيه على يوتيوب 2 مليون و91 ألف مشترك، وعلى “انستغرام” يتابعه أكثر من 2 مليون شخص، وعلى “فيسبوك” أكثر من 30 ألف متابع.
يذكر أن قبل أيام وفي اللاذقية أيضا توقف حفل جورج وسوف في ملعب الباسل باللاذقية بعد تدافع مئات الحاضرين وصعودهم على المسرح.
ليصلكم كل جديد انضموا إلى قناتنا على التلغرام https://t.me/hashtagsy